2009 – పుస్తకాలు, నా సోది!

9 Comments

1. 

   రవి

   January 30, 2010 at 9:05 pm

   Reply

   పూర్ణిమ గారు: ఇందాకే విశాలాంధ్రకెళ్ళి వస్తున్నాను, నేనూనూ. చాణక్యనీతి పుస్తకమే నేనన్నదీనూ. ఈ మధ్య తిరిగి ముద్రించినట్టున్నారు.(ఇందాక వ్యాఖ్య వెనక్కి తీసుకుంటున్నాను)

   శంకర విజయం అన్న పుస్తకం కూడా కొత్తగా విశాలాంధ్రలో ఉంది. ఇది శంకరాచార్యుల వారి జీవితచరిత్రలా కనబడుతూంది.

2. 

   Purnima

   January 30, 2010 at 3:48 pm

   Reply

   @రవి: >> చాణక్య నీతి (శ్రీపాద వారిది. ఈ పుస్తకం ఇప్పుడు దొరకదు)

   శ్రీపాద వారి చాణక్య నీతి (సూక్తులు?) అనేదో ఒక పాకెట్ బుక్ విశాలాంధ్రలో కనిపించింది. కొత్త ముద్రణ. మీరంటున్న పుస్తకం ఎన్ని పేజీలు? ఏముంటుంది?

3. 

   నరసింహారావు మల్లిన

   January 30, 2010 at 3:36 pm

   Reply

   ప్రస్తుతం నేను తెప్పించుకొని చదువటం ప్రారంభించిన పుస్తకాల వివరాలు.

   అమరకోశము జయలక్ష్మీ పబ్లికేషన్సు 906 పేజీలు

   మందరం – అంటే శ్రీమదాంధ్ర వాల్మీకి రామాయణము – గ్రంథకర్త కీ.శే. శ్రీ వావిలికొలను సుబ్బారావు ( వాసుదాసు ) గారు. రచనాకాలం 1900 – 1908 మధ్యకాలంలో.
   వీరు వ్రాసిన మందరం పుస్తకాల వివరాలను ఈ క్రింద పొందుపరుస్తున్నాను. చదవాలనుకొనిన వారు వాటిని తెప్పించుకోవచ్చు.

   కాండ వివరము పేజీలు వెల
   బాల కాండము ౯౯౧(992) రు.250
   అయోధ్యా కాండము-1 ౬౪౦(640) రు.225
   అయోధ్యా కాండము-2 ౬౩౬(636) రు.225
   అరణ్య కాండము ౭౦౨(702) రు.225
   కిష్కింధ కాండము —- ——
   సుందర కాండము ౬౭౦(670) రు.250
   యుద్ధ కాండము – 1 ౬౨౪(624) రు.225
   యుద్ధ కాండము – 2 ౬౬౪(664) రు.225
   ఉత్తర కాండము ౫౮౪(584) రు.225

   పై మందరం భాగాలలో వాల్మీకి రామాయణం లోని సుమారు 24000 శ్లోకాలను అన్నే పద్యాలలో నిర్వచనంగా వ్రాసారు శ్రీ వాసుదాసుగారు.
   టీకా తాత్పర్యాలతో పాటుగా అనేకమైన ఛందోవిశేషాలనూ ఇతర విషయాలను గుఱించి కూడా వ్రాయటం జరిగింది. శ్రీమద్రామయణాన్ని పూర్తిగా చదివి ఆనందించాలనుకొనేవారికి పై పుస్తకాలు ఎంతగానో ఉపయోగపడతాయి. ప్రస్తుతం కిష్కింధా కాండ ప్రింటింగ్ లో ఉన్నదట. ఓ రెండు నెలల్లో దొరుకుతుందట. అందుచేతనే ఆ కాండ వివరాలు వ్రాయలేదు.
   ప్రాప్తి స్థానం :
   శ్రీ కోదండరామ సేవక ధర్మ సమాజము,
   అంగలకుదురు, వయా తెనాలి
   ఆంధ్ర ప్రదేశ్
   Ph. 9390097195

   మందరం పుస్తకాలలోని రామాయణాంతర్గత సొగసులను గురించి ఛందో విశేషాలగురించి వివరంగా తెలుసుకోవాలంటే ఈ క్రింది బ్లాగును దర్శించగలరు.
   http://jwalasmusings.blogspot.com

4. 

   రవి

   January 30, 2010 at 1:57 pm

   Reply

   స్నేహ గారు, అవునండి అనంతపురం లోనే. మహాభారతం వచనం దాదాపు 7,8 బౌండు పుస్తకాలు కూడా అక్కడే చూశాను. అన్నీ ఏకమొత్తంగా కొనేసి ఉంటే సరిపోయి ఉండేది. ఇప్పుడు ఏవీ లేవక్కడ. అయినా ఆశ చావక, ప్రేతాత్మ లాగా అక్కడే తిరుగుతున్నాను. ఈ రోజూ ఓ సారి చూసొచ్చాను. ఏవీ లేవక్కడ.

   సౌమ్య గారు, ఆ పాతపుస్తకాలు – నీతిచంద్రిక, అమరకోశం, సంస్కృత రామాయణం అరణ్య, కిష్కింధ కాండలు (ఇవి నాకోసం కాదు, మరొకరి కోసం), గాయత్రి తత్వ విచారం, చాణక్య నీతి (శ్రీపాద వారిది. ఈ పుస్తకం ఇప్పుడు దొరకదు). వీటి గురించి ఏం వ్రాయమంటారు? 🙂

   సుజాత గారు: శంకర విజయం అన్న సంస్కృతగ్రంథం నేనూ అక్కడే మొదటిసారి చూశాను. విజయనగర సామ్రాజ్యం స్థాపించిన హరిహర, బుక్క రాయల వార్ల గురువులు మాధవ విద్యారణ్యులు (శృంగేరీ శారదా పీఠాధిపతి) వ్రాసిన గ్రంథమట. నాకూ ఆ పుస్తకం గురించి ఒక్క ముక్కా తెలియదు.

   పూర్ణిమ గారు: తెలుగు సాహిత్యం మీద మంచి అభినివేశం ఉన్న పండితులు జాలంలో ఉన్నారు. అయినా అంతమాటనేశారేంటండి?

5. 

   Purnima

   January 30, 2010 at 11:46 am

   Reply

   @సుజాత: >> 80ల్లో పుట్టి మొత్తం ఇంగ్లీష్ పుస్తకాలతోనే చదువు మొదలెట్టిన ఈ తరం యువతరానికి ఆంగ్ల పుస్తకాలతోనే సాహిత్య పరిచయం మొదలవుతుంది. అందువల్ల వాళ్ళు పాపం ఫౌంటెన్ హెడ్ తోనే మొదలెడతారు మరి! ఏం చేస్తాం?

   బోలెడు చెయ్యగలరు. తెలుగు సాహిత్యంలో కమ్మదనాన్ని పరిచయం చేస్తే కాదనేవాళ్ళుంటారా? పిట్జాలు తింటున్నాం కదా అని గుంటూరు ఇడ్లీ కాదంటామా, మీరు వడ్డించాలే కానీ? 🙂

   “పుస్తకం.నెట్” మొదలెట్టడంలో ముఖ్యోద్దేశ్యం ఇదే.. మనకి తెల్సినంతలో (తెల్సింది చాలా తక్కువనిపించినా)పుస్తకాల గురించి విషయాలు, విశేషాలు పంచుకోవడం. ఈ నెల ఫోకస్‍కి ఈ అంశం ఎన్నుకోడానిక్కూడా అదే కారణం.. ఏడాది కాలంలో చదివిన అన్ని పుస్తకాల గురించి రాయలేకపోయినా, పేర్లు ప్రస్తావించినా కొద్దిలో కొద్ది మేలే కదా అని!

6. 

   Purnima

   January 30, 2010 at 11:36 am

   Reply

   >> కాఫ్కా, చేగువేరా, చేతన్ భగత్ ఇలాంటి వారి గురించీ, మంచి మంచి ఆంగ్ల పుస్తకాల గురించీ చెబుతూంటే, నా చాదస్తం రాస్తున్నందుకు సిగ్గుగా ఉంది.

   మీరు మీరీనూ! ఆళ్ళ గురించి గూగులమ్మని అడిగాలే గానీ, బోలెడంత ఇన్ఫో ఇస్తుంది. అదే కొన్ని తెలుగు పుస్తకాల గురించి గూగులమ్మని అడిగితే మీ వంకే చూపిస్తోంది! 🙂 అందుకని మీరు ఇలానే అరుదైన తెలుగు సాహిత్యాన్ని మాకు పరిచయం చేస్తూ ఉండాలని కోరుకుంటున్నాను. ఇహ, మీరు ఆంగ్ల సాహిత్యం చదవాలనుకుంటే మేం ఉడతా సాయం (ఏదైనా ఉంటే) చేయడానికి సంసిద్ధం! 🙂

7. 

   సుజాత

   January 30, 2010 at 10:25 am

   Reply

   మొత్తానికి షాడోని షాడో లా బాగానే అనుసరిస్తున్నారన్నమాట.:-) ఈ మధ్య నేను కూడా విజయవాడ బస్టాండ్ లో షాడో పుస్తకాలు మరి కొన్ని కొన్నా ఎప్పుడన్నా సరదాగా చదవొచ్చని.

   ఇంగ్లీష్ పుస్తకాల గురించి!

   మాతృభాష తెలుగై, కనీసం పదో క్లాసు వరకు తెలుగు మీడియం లో చదివిన వారికి(నాలాగా)తెలుగు పుస్తకాలంటేనే ప్రాణం లేచొస్తుంది. 80ల్లో పుట్టి మొత్తం ఇంగ్లీష్ పుస్తకాలతోనే చదువు మొదలెట్టిన ఈ తరం యువతరానికి ఆంగ్ల పుస్తకాలతోనే సాహిత్య పరిచయం మొదలవుతుంది. అందువల్ల వాళ్ళు పాపం ఫౌంటెన్ హెడ్ తోనే మొదలెడతారు మరి! ఏం చేస్తాం?

   నా మటుకు నాకు తెలుగు పుస్తకాలంటే ఇష్టం! కానీ ఆంగ్ల సాహిత్యంలో కూడా చదవాల్సిన పుస్తకాలు చాలా వున్నాయని గ్రహించి ఆలస్యమైనా పర్లేదని ఆరేడేళ్ల క్రితం నుంచి అడపా దడపా ఇంగ్లీష్ పుస్తకాలు చదవడం మొదలుపెట్టాను.ఫౌంటెన్ హెడ్ కూడా చదివేశాను.:-)

   ఎవరు చదివిన పుస్తకాల గురించి వారు పంచుకోడానికే కదా పుస్తకం వేదిక! అయినా మీరు ఆంగ్ల పుస్తకాలు చదవరంటే నేను నమ్మను.

   ఈ టపాలో మీరు ప్రస్తావించిన కొన్ని పుస్తకాలు అసలున్నాయని కూడా నాకు తెలీదు.ఉదాహరణకు శంకర విజయం!

   హంపీ నుంచి హరప్పా దాకా..గురించి మీరు రాస్తే చదవాలని ఉంది.

8. 

   సౌమ్య

   January 30, 2010 at 9:51 am

   Reply

   మీకు కనబడ్డ పాతపుస్తకాల గురించి, వావిళ్ళ వారి గురించి – త్వరలో రాస్తారు కదూ పుస్తకం లో?? 🙂

9. 

   స్నేహ

   January 30, 2010 at 8:30 am

   Reply

   రవి గారు,

   మీరు చెప్పింది అనంతపురంలో రోడ్డు పక్కన పాత పుస్తకాలు అమ్మే వాళ్ళ గురించేనా. అయితే అమరకోశం మీరు తీసుకున్నరా. నేను చూసినపుడు అక్కడ వున్నది. తరువాత తీసుకుందామని వదిలేసాను. నేను ఆంధ్రమహా భాగవతం తీసుకున్నాను. నేను కొన్నపుడు కూడా పాండురంగ మహత్యం చూసాను.