మిత్తవ – మంచికంటి కథలు

One Comment

1. 

   జె. యు. బి. వి. ప్రసాద్

   May 31, 2011 at 12:22 am

   Reply

   ఈ “మిత్తవ” కధ నేను 2003 లో చదివాను. అప్పుడు ఒక చిన్న అభిప్రాయం రాసి, రచ్చబండలో పోస్టు చేశాను. ఇప్పుడు అదే అభిప్రాయం, ఇక్కడ పోస్టు చేస్తున్నాను. అచ్చు తప్పులు దిద్దడం, కామాలు పెట్టడం తప్ప, ఏమీ మార్చ లేదు ఇప్పుడు. ఇప్పుడు ఆ కధ గానీ, అందులో విషయాలు గానీ, ఏవీ గుర్తు లేవు.
   ====================================================================

   కథ పేరు…… “ మిత్తవ”
   రచయిత …… “మంచికంటి వెంకటేశ్వరరెడ్డి”

   కథ: భయంకరమైన కరువు వల్లా, నీటి ఎద్దడి వల్లా, భర్త ఇల్లు వదిలి పోతే, ఒక పేద స్త్రీ, పిల్లలతో పుట్టింటికి చేరి, కష్టాలు పడి, పిల్లల్ని చంపి, తను ఆత్మహత్య చేసుకుంటుంది.

   కొన్ని మంచి విషయాలు
   ————–

   1. కరువు కాటకాల వల్ల పేద ప్రజలు ఎన్నెన్ని కష్టాలు పడతారో రచయిత చిత్రీకరించారు.
   2. అవసరం వున్నంత కాలం మనుషుల్ని వాడుకుని, అవసరం తీరేక ఎలా వదిలించుకుందామని చూస్తారో కూడా చెప్తుంది ఈ కథ.
   3. చాదస్తం, మనుషుల మూర్ఖత్వాన్ని వైద్యం విషయంలో ఎలా చూపిస్తారో కూడా చెప్తుంది ఈ కథ.

   కొన్ని మంచి కాని విషయలు
   —————-

   1. “మిత్తవ” అన్న పదానికి అర్థం తెలియలేదు ముందర. కథ చివరిలోకి వచ్చాక, మిత్తవ అంటే మృత్యువు అని అర్థం అయింది. అప్పుడు, చిన్నప్పుడు చదువుకున్న తెలుగు పాఠాలు గుర్తొచ్చాయి. మృత్యువు – ‘ప్రకృతీ’, మిత్తి – ‘వికృతీ’. ఈ “మిత్తి” అన్న పదం లోంచి పుట్టుకొచ్చిన మాట అన్న మాట “మిత్తవ” అంటే. ఈ విషయం ముందే అర్థం అయితే బాగుణ్ణనిపించింది. ఈ విషయం కూడా తప్పయితే అది నా ఖర్మ. నాలాంటి తెలివి తక్కువ వాళ్ళు ఇంకెంత మంది వున్నారో అని కూడా అనిపించింది.

   2. ఎన్నో కష్టాలు పడి, కుటుంబ హత్యలకీ, ఆత్మహత్యలకీ దారి తీసిన పాత్ర కథ ఇది. ఏమీ అభివృద్ధికరంగా లేదు ఈ కథ. పుట్టింట్లో చేసిన చాకిరీ బయట ఎక్కడ చేసినా, తల్లీ, పిల్లల కడుపులు నిండక పోవు. అదే ఈ తల్లికి బయట కష్ట పడి (అంటే బాగా చదువుకునీ, బయట ఎదో జీవనాధారం వెతుక్కోలేక దౌర్భాగ్యపు మొగుళ్ళకి బానిసల్లా పడివుండే ఆడవాళ్ళ లాగా) పని చేయడం రాదా అంటే, అదీ కాదు. జీవితం అంతా కష్ట పడి పని చేస్తూనే వుంది ఈ మనిషి. పుట్టింటి నుంచీ వెళ్ళిపోయి, ఎక్కడో కాయకష్టం చేసుకుంటూ, పిల్లలని బతికించుకున్నట్లు చూపడమే అభివృద్ధికరమైన విషయం. అప్పుడు కథ పేరు మారిపోతుంది లెండి. కథ పేరు కోసం పాత్రలని చంపడం అన్న మాట.

   3. “మిత్తవ” అని కథకి పేరు పెట్టినంత మాత్రాన మనుషులని ఎడా పెడా చంపెయ్యనక్కర లేదు. ఆఖరిలో ముసలావిడ పరిగెత్తుతూ రాయి తగిలి పడి పోయి చచ్చిపోవడం చాలా కృతకంగా వుంది. ఈ చావు, కథకి గానీ, రచయిత చెప్పదలుచుకున్న విషయానికి గానీ, అవసరం లేదు. ఈ కథకి “చావులు” అని పేరు పెడ్తే, ఇంకా సరి పోయేది.

   4. బొమ్మ కథకి తగినట్టు లేదు. తప్పుగా వుంది. “మిత్తవ” కథ కూడా అందరికీ దుఃఖాంతం. ఆ మనిషి పిల్లలని తీసుకుని, పుట్టిల్లు వదిలేసి, ఎక్కడో కాయకష్టం చేసి, పిల్లలని బతికించుకుంటుందేమో నని ఆశ పడ్డ వాళ్ళ ఆశలను నేల రాసేస్తూ, వాళ్ళని చంపేశారు రచయిత. వాళ్ళకి తోడుగా, ఒక ముసలావిడని కూడా కలంతో చంపేశారు రచయిత. “మిత్తవ” అనే పేరు కథకి పెట్టుకున్నాక ఆ మాత్రం చావులన్నా కథలో లేకపోతే ఏం బావుంటుందీ బొత్తిగా?

   — జె. యు. బి. వి. ప్రసాద్