2020లో నేను చదివిన పుస్తకాలు: వి.శ్రీనివాసరావు

వ్యాసకర్త: వి.శ్రీనివాసరావు,ఖమ్మం

1. డయ్యింగ్ టు బి మి బై అనితా మూర్జాని (Dying to be me: Anita Murjani): కేన్సర్ కు గురై, చావును చవిచూసి,తిరిగి భూమ్మీదకు వచ్చి  ఆరోగ్యవంతురాలైన అనితా మూర్జాని స్వీయ అనుభవాల మాలిక.
2. వాట్ ఇఫ్ దిస్ ఈజ్ హెవెన్:అనితా మూర్జాని: సాధారణంగా సమాజంలో అనుకునేది ఏమిటి?అపోహలు ఏ విధంగా ,నిజం ఏమిటి అన్న విషయాలను  తన నియర్ డెత్ ఎక్స్పీరియన్స్ ను ప్రాతిపదికగా చెబుతూ జీవితాన్ని సంపూర్ణంగా ఆస్వాదించడం ఎలానో మూర్జానీ మనకు వివరిస్తారు.
3. “శ్రీ రమణ మహర్షి జీవిత చరిత్ర” -ముదిగొండ వీరభద్రయ్య : భగవాన్ శ్రీ రమణ మహర్షి స్వయంగా చెప్పిన విషయాలతో కూర్చిన జీవిత చరిత్ర.చాలా ఆసక్తి దాయకంగా ఉంది.
4. ఆనంద అల -ఆశించు సాధించు -సద్గురు జగ్గీ వాసుదేవ్: జీవితాన్ని ఎలా ఆహ్లాదంగా మార్చుకోవాలో ,సమస్యలతో ఎలా వ్యవహరించాలో సద్గురు జగ్గీ వాసుదెవ్ గారి  చిట్కాలూ ,పరిష్కారాలూ .
5. సూపర్ 30 విజనరీస్-సునీల్ ధవళ : 30 మంది వ్యాపార విజేతల నిజ జీవితాల సమాహరం.ప్రేరణాత్మకంగా ఉంది.
6. స్వరలహరి-పి.బి.శ్రీనివాస్: సంగీత దర్శకులపై వ్యాసమాలిక .
7. వందే వాల్మీకి కోకిలం-ఉప్పులూరి కామేశ్వరరావు:నేటి ఆలోచనతో   ,నాటి రామయణాన్ని ,వాల్మీకి విశిష్టతనూ, ధర్మ సమన్వయం గావిస్తారు.
8. శ్రీరామదూతం శిరసా నమామి- ఉప్పులూరి కామేశ్వరరావు :హనుమంతుడి పాత్ర ద్వారా వ్యక్తిత్వ వికాసం ఎలా అన్నది  తెలియ పరచారు.  
9. సుందరాకాండము-ఉప్పులూరి కామేశ్వరరావు: ఫిజిక్స్ పరంగా హనుమంతుని సముద్ర లంఘనాన్ని చాలా బాగా విశ్లేషించి తెలియపరచారు. సరళానువాదం చదివించేలా  ఉంది.
10. మనస్సుని జయించండి -ఏకనాథ్ ఈశ్వరన్: తన స్వీయ అనుభవం నుండి, వివిధ మార్గాలను సూచించారు.
11. ఓ వయోలిన్ కథ-డా.కప్పగంతు రామకృష్ణ : డా.అన్నవరపు రామస్వామి గారి జీవిత చరిత్ర .
12. మధుమేహం-సమదర్శిని: డా.జాసన్ ఫంగ్  వ్రాసిన ‘ ద్ డయాబెటిక్ కోడ్ ‘ కు అనువాదం ,చదువరికి చాలా ఉపయోగంగా,ఇందులో చెప్పిన విషయాలు పరిశీలిస్తే  ,దయాబెటిస్ తప్పక కంట్రోల్ అయ్యే మూలం అర్ధం అవుతుంది.
13. న్యూరోకేర్- డా.ముదిరెడ్డి చంద్రశేఖరరెడ్డి : న్యూరో సమస్యలూ ,ప్రాధమిక అవగాహనా,సూచనలు  తమదైన అనుభవం నుండి వివరించారు. ప్రతి ఒక్కరి వద్దా ఉండాల్సిన పుస్తకం.
14. రివర్సింగ్ డయాబెటిస్ ఇన్ 21 డేస్ -డా.నందితాషా : ఇందులో చెప్పిన విధంగా టీ,పాలు,పాల పదార్ధాలు,పెరుగు ఆపివేయగా ,నా షుగర్ ఫాస్టింగ్ 258 నుండి 180కి 16 రొజులలో వచ్చింది. ప్రతీ షుగర్ పేషంటూ చదివి, ఆచరించి, బాగా మెరుగు పడే అవకాశం ఉంది.
15. శ్రీ స్కంద రత్నావళి -డా.మహాభాష్యం చిత్తరంజన్ : స్వయంగా శ్రీ సుబ్రహ్మణ్యులే  అనుగ్రహించగా పెల్లుబికిన  “నేను ‘ తత్వం,మరి ఇతర భక్తి పూర్వక కీర్తనలు.
16. ఇకిగాయ్ : ఆనందమయమైన చిరాయుస్షుకు జపనీయుల రహస్యం  -తెలుగు అనువాద పుస్తకం -సరళంగా వుంది. వెల ఎక్కువగా అనిపించింది.

కొనడం జరిగింది చదవాల్సి వుంది  ఈ క్రింది పుస్తకాలు:

1. వైద్య జ్యోతిష్యం -రూపెనగుంట్ల సత్యనారాయణ శర్మ
2. ట్రాంక్విలిటీ ఇన్ టర్మాయిల్ – శ్రీరాం సర్
3. నిత్య జీవితంలో భౌతిక శాస్త్రం :కె.బి.గోపాలం గారి అనువాద పుస్తకం
4. ద హార్ట్ ఫుల్ నెస్ వే -కమలేష్ డి పటేల్
5. డిజైనింగ్  డెస్టినీ – కమలేష్ డి పటేల్
6. ద హిమాలయన్ మాస్టర్స్ – పండిట్ రాజ్మణి త్రిగుణాయత్
7. శ్రీసుబ్రహ్మణ్యతత్వం -డా.మహాభాష్యం చిత్తరంజన్
8. పదవులతో ప్రమేయం లేని నాయకుడు :రాబిన్ శర్మ  అనువాద పుస్తకం.

 కోవిడ్ వల్ల పుస్తక పఠనం పెరిగింది. నెట్ కి మరింత అంకితం అవ్వడం  జరిగింది. పుస్తక పఠనం నాకు మంచి విషయాలను నేర్పింది.