పుంజీడు పుస్తకాలు-1 : చలం ఉత్తరాలు

ఒకటే కథలు,వ్యాసాలు వ్రాయాలని జ్వరంలాగు పట్టుకుంది. నా నీరసమైన శరీరమే అభ్యంతరపరచకపోతే, ఎంత వ్రాద్దునో?  ఇట్లాంటి వ్రాత జ్వరం మీ అనుభవంలోనూ ఉండి ఉంటుంది. ఆ ఆవేశం మనని పట్టిందా,  ఆట,  వ్యాయామం, పిల్లలు, సౌఖ్యం, అన్నీ వదిలి, చమటోడ్చి పని చేసి, మన మనసు లోపలిదంతా బయటికి వెలిబుచ్చుతాము. పర్యవసానం? ఏ తుక్కు పత్రికాధిపతో  దాన్ని తప్పులతో ప్రచురించడానికి కటాక్షిస్తాడు. ఏ ఆవలించే పాఠకుడో అక్కడా, ఇక్కడా కొంచెం చూసి, పుస్తకం కింద పారేసి అటు తిరిగి నిద్రపోతాడు.