టివి నైన్ పుస్తక పరిచయ కార్యక్రమం: 28 ఫిబ్రవరి నాటి ఎపిసోడ్ వివరాలు

గత కొన్ని వారాలుగా టీవీ 9 న్యూస్ ఛానల్ లో ప్రతీ ఆదివారం ఉదయం పుస్తక పరిచయ కార్యక్రమం ప్రసారమవుతుంది. ఒక్కో వారం ఒక్కో పుస్తకం పై ప్రముఖులచే విశ్లేషణ చేయబడుతుంది. పుస్తకాలపై ప్రముఖుల అభిప్రాయాలు తెల్సుకునే వీలు కలిగిస్తున్న ఈ కార్యక్రమాన్ని ఎక్కువ మందికి తెలియజెప్పే ప్రయత్నంలో భాగంగా, రాబోయే ఎపిసోడ్ వివరాలను టూకీగా మీకందించే ప్రయత్నం “పుస్తకం.నెట్” చేస్తుంది. మా ఈ ప్రయత్నానికి సహకరించి వివరాలు అందజేసిన ప్రోగ్రామ్ మానేజర్ సాంబశివ రావు గారికి మా ప్రత్యేక ధన్యవాదాలు!

28, ఫిబ్రవరీ 2010 నాడు, ఉదయం పదకొండింటికి ప్రసారం కాబోయే ఎపిసోడ్ లో:

పరిచయం చేయబడుతున్న పుస్తకం: “నాకూ ఉంది ఓ కల” – వర్ఘిస్ కురియన్ ఆత్మకథ (తెలుగానువాదం)

పుస్తకం పై మాట్లాడేందుకు వరప్రసాద్ రెడ్డి, ప్రమోటర్, ఎండీ, శాంతా బయోటెక్నిక్స్; పబ్లిషర్: హాసం, పాల్గొంటున్నారు.

(ఈ పుస్తకం గురించి పుస్తకం.నెట్ లో ఇంకా ఎవరూ రాయలేదు కనుక, ఈ పుస్తకం ఆంగ్ల మూలానికి లంకె ఇదిగో!)