పుస్తకం
All about books



పుస్తకభాష

March 28, 2009

Men of steel

More articles by »
Written by: అసూర్యంపశ్య

జీవితాన్ని గెలిచిన వ్యక్తుల కథలు ఎప్పుడూ స్పూర్తిదాయకంగానే ఉంటాయి. అవి చదువుతూ ఉంటే మనమేదో మహా గొప్పవారైపోతామని కాదు కానీ జీవితంలో వారు ఎదుర్కున్న కష్టాలు, వాటిని వారు అధిగమించిన విధానం, సమస్యల్ని వారు చూసే దృక్పథం – ఇవన్నీ చూసే కోణంలో చూస్తే ఎవరికన్నా పనికొచ్చే పాఠాలే. సరిగ్గా అలాంటి పరిస్థితే మనకు ఎదురవ్వాలనేమీ లేకపోయినా కూడా,  ఏదన్నా సమస్య వస్తే మన attitude అన్నది ఎలా ఉండాలో అర్థం చేసుకోవచ్చు.

ఇందులో భారతదేశంలోని వ్యాపారవేత్తల profiling చేయబడ్డది. ఈ ఇంటర్వ్యూ/చర్చలు చేసినది హిందుస్థాన్ టైమ్స్ కు చెందిన Vir Sanghvi. ఇందులో భాగం పంచుకున్న వ్యాపారవేత్తలు – రతన్ టాటా, నందన్ నిలేకాని, కుమారమంగళం బిర్లా, సునీల్ మిట్టల్, రాజీవ్ చంద్రశేఖర్, అజీం ప్రేంజీ, సుభాష్ చంద్ర, ఉదయ్ కోటక్, బిక్కీ ఓబెరాయ్, నస్లీ వాడియా మరియు విజయ్ మాల్యా. వీరి జీవితాల్లో ప్రధాన ఘట్టాలు మొదలుకుని వారి వారి వ్యాపారాల్లో వారు ఎదుర్కున్న ఒడిదుడుకులు, వారి నిర్ణయాల వల్ల వారు ఎదుర్కున్న సవాళ్ళూ – స్థూలంగా ఇదీ ఈ వ్యాసాలలోని ప్రతి వ్యాసంలో ఉండే విషయం.

ఇందులో రాజీవ్ చంద్రశేఖర్, సుభాష్ చంద్ర, బిక్కీ ఓబెరాయ్ – వీరి ముగ్గురి కథలూ నాకు అసలు తెలీదు. కనుక ఆ కోణంలో ఇందులో చాలా విషయాలు తెలిసాయి. మిగితా వారిలో ఉదయ్ కోటక్, కు.మం.బిర్లా వంటి యువ వ్యాపారవేత్తలు సంప్రదాయ వ్యాపార కుటుంబాలనుండి వచ్చి కూడా యువతరం ముద్ర తమ తమ రంగాల్లో ఎలా వేశారో, సునీల్ మిట్టల్-రాజీవ్ చంద్రశేఖర్ (బీపీఎల్) కథలు చదివాక భారద్దేశం లో మొబైల్ ఫోన్ల ఎదుగుదల కథనూ, సుభాష్ చంద్ర కథలో టీవీ ఛానెళ్ళ చైన్లలో తొలినాటి విజయాలు సాధించిన జీటెలీఫిల్మ్స్ ప్రస్థానాన్నీ – ఇలా ఎన్నో విషయాల గురించిన కథలు తెలిసాయి.

పట్టినదల్లా బంగారమయ్యే విజయ్ మాల్యా అదృష్టం గురించీ, తమ చేతుల మీదుగా సాఫ్ట్ వేర్ జెయింట్లను నిర్మించిన – ప్రేంజీ, నిలేకాని ల వ్యక్తిత్వాల గురించీ, ఏది చేసినా తన ముద్ర ఉండేలా చేయగల సునీల్ మిట్టల్ గురించీ, యువతలో కుమార మంగళం బిర్లాకు ఉన్న ఫాలోయింగ్ గురించీ, వాడియా గ్రూపు చైర్మన్ నస్లీవాడియా విజయ గాథా – ఇలా ఎన్నెన్నో కథలు ఈ వ్యాసాల్లో. ఇవి పూర్తిగా జీవిత చిత్రాలు అనలేము కానీ, జీవితంలోని ప్రధాన ఘట్టాలకు సంబంధించి ఆయా వ్యాపారవేత్తలతో వీర్ సంఘ్వీ జరిపిన ఇంటర్వ్యూలు. ముందే చెప్పినట్లు ఇందులో ఆయా వ్యాపారవేత్తల attitude తెలుస్తుంది. చదివాక మనం కూడా వారందరినీ “Men of steel” అనక మానము. అందుకే ఈ పుస్తకానికి అ పేరు కూడా అతికినట్లు సరిపోతుంది.

పుస్తకం వివరాలు:
Men of steel: India’s business leaders in candid conversation with Vir Sanghvi
Lotus Collection: Roli Books
Cost: Rs 95/- (ఇదే అన్నింటికంటే బెస్ట్ పార్ట్! ఇంత మంచి పుస్తకం వందరూపాయలలోపే!)
ఈ పుస్తకం మరాఠీ, తమిళ్, హిందీ, గుజరాతీ, కన్నడ భాషలలో కూడా దొరుకుతుంది.

Flipkart లో ఇక్కడ దొరుకుతుంది కానీ, వెల 295/- అని ఉంది. నాకు 95 కి దొరికిన వర్షన్ ఆన్లైన్ షాపింగ్ లో దొరకట్లేదు మరి… 🙁



About the Author(s)

అసూర్యంపశ్య



0 Comments


Be the first to comment!


  Type Comments in Telugu. (Press Ctrl+g to toggle between English and Telugu.)

Leave a Reply

Your email address will not be published. Required fields are marked *




 
 

 

తెలుగు సాహిత్య విమర్శలో ఖాళీలు

వ్యాసకర్త: ఎ.కె.ప్రభాకర్ (యాకూబ్ ఆధునిక తెలుగు సాహిత్య విమర్శ పుస్తకానికి ముందుమాట) హ...
by అతిథి
0

 
 

Ngũgĩ wa Thiong’o’s “Education for a national culture”

Article By: Halley ఈ పరిచయం ప్రసిద్ధ ఆఫ్రికా రచయిత గూగి (Ngũgĩ wa Thiong’o) రాసిన Education for a national culture అన్న వ్యాసం ...
by అతిథి
0

 
 

నీల :: కె. ఎన్. మల్లీశ్వరీ

వ్యాసకర్త : జయశ్రీ నాయుడు దాదాపుగా ఆరు వందల పేజీల కథా గమనాన్ని సమీక్ష గా కుదించాలంటే ...
by అతిథి
0

 

 

గడ్డి పూలు – గుండె సందుక

వ్యాసకర్త: ఎ.కె.ప్రభాకర్ ************** పూల మనసుల్లోకి … శాంతి ప్రబోధ కథా సంపుటి “గడ్డి పూల...
by అతిథి
1

 
 

On Writing: Stephen King

Written by: K.S.M Phanindra Books that teach writing are often very dry and I deliberately avoid them. I have read a couple of them and liked some of them a lot. Two of my favorites are “Telling Writing” by Ken Macr...
by అతిథి
1

 
 

నా 2017 పుస్తక పఠనం

మరో ఏడాది ముగుస్తోంది. ఈ ఏడాదిలో చదివిన పుస్తకాల గురించి రెండు ముక్కలు చెప్పుకోవడాన...
by సౌమ్య
1